|
|
|
|
|
|
|
|
|
|
|
Rudigardane på
vestsida av Selsmyrene
Utsikt frå Formolia -
omlag midtvegs.
(v/Geir Neverdal)
www.otta2000.com
|
|
|
|
|
|
|
|
|
|
|
|
|
|
|
|
|
|
|
|
|
|
Frå Formo
til Putten
- og attende
Dette er ein tur du godt kan gå i vanlege sko.
Lendet er tørt og fint, vegen svingar seg att og fram med jamn
stigning opp lia. Når du kjem opp, venter ein nokså flat stig
nordover åskanten mot Putten.
Dette er den gamle setervegen til Skardsetrene og Putten . Her
gjekk dei òg når dei skulle til fjells for å jakte, - eller
hente mose til krøtterfor.
Underskrivne, som er vel 60 og i dårleg form, brukte omlag
ein time og tjue minutt i lia, - og vel 20 minutt derifrå til
Putten. - Med ein god del stopp for å fotografere, nyte utsikta
- og for å kvile på litt.
Attende gjekk det lettare, men det tek på knea å gå lenge i
nedoverbakke.
:-)
Takk til Sel kommune for lån av kart.
Sjå òg interaktivt kart som syner området
(du vil bli spurt om å installere Adobe SVG-viewer
dersom du ikkje har
det på maskinen).
Dette skiltet og ei informasjonstavle står nede ved E6, litt
nord for Formo. Der tek vegen opp. Det er ikkje lett å parkere
her, det er snautt plass til ein bil, men nokre hundre
meter lenger nord er det romslegare.
|
Informasjonstavla
fortel m.a. følgjande:
|
"Vegen har
19 svingar opp til 'Hullarhaugen'.
Frå Hullarhaugen hulla budeiene over
til andre sida av dalen og fekk på same vis svar attende"
å hulle: syngje tonar utan ord, hue med syngjande røyst for å
sanke feet.
(Nynorskordboka på
nettet)
|
|
Vel
hundre meter ovanfor E6 ser setervegen slik ut. Du kjem over i
ei anna og stillare verd.
Her er det fuglekvitter og eit ekorn eller to som rår grunnen.
Av og til møter du og søyer med lam - men i det store og heile
er det stilla som rår - med ein svak sus frå europavegen i
bakgrunnen, langt der nede.
|
|
I
Formolia er det ikkje langt mellom maurtuvene.
Det finst i dag 53 maurartar i Noreg.
Ein reknar med at resten av verda har over 9000, men på grunn av
den 'korte' tida som er gått sidan siste istid (9-10 000 år) er det
berre eit fåtal som har etablert seg her i landet. Dei fleste av desse
artane finn vi i Sør-Noreg.
(Wikipedia)
|
|
Frå Formolia ser ein over til vestsida av Gudbrandsdalen like
nord for Otta,
der ligg Rudiskaret mellom Halldorpiggen (til venstre)
og Hakkemetberget (til høgre).
|
|
Etter kvart vert stigen/vegen smalare og brattare før den flatar
ut litt ved ein av dei fyrste kvileplassane, Vesl-Hjellen:
|
Fanden hadde
skulda (?)
Dei mektige
steinurdene i Formolia nord for setervegen skal i følgje ei overlevering
skrive seg frå den gongen Fanden fylgde etter Gud på skaparferda hans.
- Sekken hans rivna og innhaldet vart til steinurdene i Formolia.
(UIO)
|
|
|
Hågåbrua
|
|
Utsikt mot Hågåbrua, frå ein stad mellom Vesl-Hjellen og
Stor-Hjellen.
Den gamle Hågåbrua vart teken av flommen fyrst i 1930-åra og det gjekk
eit par ti-år før ny bru kom på plass, i 1958.
Dersom det var lite vatn i Lågen, kunne ein koma over med hest og
reiskap, men elles måtte ein bruke båt, eller reise nordom brua på Sel.
|
"Hågåbrua
frå 1958 er samansett av to gamle jernbanebruer frå Fåvang. Ola Dahl
(tidlegare Ordførar i Sel og Fylkesordførar i Oppland) fekk tak i desse og fekk dei frakta
med jernbana
nordover til Rudi. På vinterføre drog Leif Hoff bruene dit dei skulle
med bulldozer.
Løkken og Raubakken sette anlegget i stand."
"Selsvollane - frå Sumpmark til åkerland" av Hans Formo:(Gåmålt og
nytt frå Sel II)
|
|
Utsikt frå Stor-hjellen, mot Elvheim på vestsida av Lågen |
Utsikt frå Stor-hjellen.
Ein av åkrane på vestsida av Lågen (denne tilhøyrer
Formo) .
Selsmyrene
- Arbeidet med turrlegging av Selsvollane tok lang tid
(1878-1981) og ein må vel rekne med at framtidige flaumar vil
føre med seg vedlikehaldsarbeid og oppryddingsarbeid.
- Men dette storverket
skaffa òg bygda 6000 mål nytt jordbruksland, der ein i dag m.a.
produserer korn og gras.
Kvart år blir omlag 2 millionar kilo korn levert til
kornsiloen på Otta.
(Jfr. Hans Formo:"Selsvollane
...")
|
|
|
Kvilarflata
Dei to kvilesteinane var gjeve - serleg for ungane på veg opp
lia.
Det var om å gjera å vera fyrstemann fram til desse.
|
Dånnådalen
- Her gjer vegen ein skarp sving på kanten av gjelet mot
Formobekken.
Dette var ein farleg stad, vinterstid, med snø og is.
Det er vel grunnen til at ein har sett opp nokre kraftige
stabbesteinar, - dei tek i mot dersom sleden eller hesten tek
til å gli.
|
I
|
Ekorn
Vi støtte fleire gonger på ekorn, men raske i snuen som dei er fekk eg
berre eit uklårt bilde av denne krabaten.
I Noreg finst raudt ekorn som held til i barskog, så langt nord som i
Finnmark, og i bjørkeskog på fjellet.
Ekornfamilien,
gnagarar av familien 'Sciuridae' frå gresk skiouros, ('skia' skugge + 'oura'
hale (hale som kastar skugge) Familien omfattar rundt 200 artar i omlag
femti slekter.
Wikipedia
|
|
|
Gamal skog
Innimellom vert stemninga mest trollsk.
Utgamle furutre med kronglete røter veks langs vegen - ein tur
opp lia ein sein kveld i august kunne gje næring til mange
assosiasjonar - og stoff til ei og anna kveldsetoforteljing om
hulder og skrømt av ymse slag.
|
|
Bjøynnkleive
Noko høgre oppe kjem vi fram til Bjøynnkleive.
Kva for ei historie ligg bak namnet?
(Gje meg eit tips
dersom du kjenner til bakgrunnen for namnet.)
|
Utsikt mot Gudbrandsdalslågen frå Bjøynnkleive
. |
Kanten mot Formobekken ved
Bjøynnkleive
|
|
Vegdele
Vel oppkomen deler vegen seg - over kloppa til høgre kjem ein
til setrene, men tek ein stigen opp til venstre mot Skardranden
går vegen vidare til Putten
|
Kloppa og bekken der vegen til
Skardsetrene og vegen til Putten skil lag.
|
|
Skardranden
Dette bildet er teke frå Skardranden (med zoomobjektiv) og viser
deler av Selsverket og industriområdet i Øya.
I øvre del av bildet E6, i nedre del jernbanen og baksidevegen
til Sel.
|
Utsikt mot Rudigardane og baksidevegen mellom Otta og Sel - frå
Skardranden
|
Frå
Skardranden kan ein følgje ein turrlendt og grei stig langs
åskanten nordover mot Putten.
|
|
Nokre nysgjerrige sauer med lam var alt vi møtte på denne delen
av turen
|
|
For 150 år sidan (1855) nådde sauetalet i Oppland ein
tidlegare topp med 137 000
dyr - slaktevekta for vaksen sau var berre på 12-18 kg den gongen.
(Kjensfjord s.14)
"Oppland
er (i dag) det nest største beitefylket i landet med 37.000 storfe,
266.000 sau,
6.000 geit og 700 hester på utmarksbeite. Stordelen av disse er med i
ett av de 110 organiserte beitelagene (94 % av sauen).
Vel 3.000 gårdsbruk i Oppland slipper dyr på utmarksbeite, det vil si
halvparten av alle bruksenheter. Antall dyr holder seg rimelig stabilt,
mens antall beitebrukere går ned - (20 % nedgang siden1995)."
(Fylkesnytt 1/2006 Oppland)
(Det bur i
dag (2008) vel
180.000 menneske i
fylket)
|
|
Putten seter,
- eit triveleg setertun med hytter, tilbyr mat og
overnatting (rabatt for medlemmer i
DNT).
(Sjekk
nettstaden for kontaktinformasjon m.m.)
|
|
Ei strevsam tid
I
dag gløymer ein lett kva for eit slit transporten
mellom setrene og bygda må ha vore.
"Vegen" kan sjå bra ut sumarstid, her nede, men med 'måsålass'
på issvullar vinterstid var det ei risikabel ferd både for hest
og folk.
Så seint som i 1930-åra hende det at eldre folk bar
høy i strisekkar frå setrene ned lia.
Dei rodde så sekkane over elva, og fekk slik frakta
for heim til bruk på vestsida av Selsmyrene.
(Oleanna
Løkken Einbu)
Hans Formo og Kari Brun Gulbrandsen fortel at
brukaren i Mathistad frå 1919-1948, Lars Gjetsiden, køyrde
mjølka frå setra ned Formolia med hest og slede til
mjølkeruta nede i bygda.
Etter å ha gått same vegen synest det for meg rart at dette
kunne gå godt.
|
Mykje meir
informasjon om vegen og området finn du i artiklane til Oleanna
Løkken Einbu, Hans Formo og Kari Brun Gulbrandsen. (Sjå kjeldene
nedanfor)
Kjelder:
Informasjonstavle ved
E6
"Sætervegen opp Formolia" av Oleanna Løkken Einbu ("Gåmålt
og nytt frå Sel", 1999)
"Sætrene i Skardet og Putten" av Hans Formo og Kari Brun
Gulbrandsen ("Setrer og seterliv i Sel", 2007)
"Selsvollane - frå
Sumpmark til åkerland" av Hans Formo (Gåmålt og nytt frå Sel
II", 2002)Sammendrag
av ekskursjon GEO 2120 Naturressursforvaltning våren 2006
(UIO)
"Slakterisamvirket i Hedmark og Oppland gjennom 75 år" ved
Georg Kjensjord, 1979
Miljøverndepartementet: Generelle merknader til
verneforslaget (Rondane - utvidelse av
nasjonalparken )
Sel kommune: Områder tilrettelagt for friluftsliv
(PDF-dokument)
Fylkesnytt 1/2006 Oppland - Fra fylkesmannens
landbruksavdeling i Oppland
Foto:
© GN
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|